| تبليغات | X |
پیوندهای فرهنگی ؛ تاریخی ترکستان شرقی و آذربایجان
اوختای قاسیملی
ترکستان شرقی با مساحتی به وسعت 65/1 میلیون کیلومترمربع سرزمینی وسیع با آب و هوای معتدل و خشک است که درست در وسط قاره آسیا قرار گرفته است که از طرف غرب به ترکستان غربی،از جنوب به پاکستان ، کشمیر، افغانستان و تبت،از شمال به سیبری ودر نهایت از طرف شرق و شمال شرقی به چین و مغولستان محدود می باشد.در این سرزمین جمعیتی بالغ بر 50 میلیون ترک اویغور زندگی می کنند .ترکستان شرقی از سال1949 تحت اشغال دولت کمونیستی چین درآمده است و مردم این سرزمین از آن تاریخ به مبارزات استقلال طلبانه خود ادامه می دهند.......
يازان : عباس ائلچین شنبه 1390/11/01 | غربي آوروپا ديللرينده تورکيزملر
یازان : ووقار زيفر اوغلو
«اوغوز» موستقيل آراشديرماچيلار قروپو ايداره هئيتي نين صدري، فلسفه دوکتورو
تورکولوگييا اوزون مودت قارشيسينا قويولان سددلري آشاراق، نهايت کي، آديني اؤز اوزرينه گؤتوردويو اولو بير ائتنوسون تاريخ و ادبياتي نين قارانليق صحيفه لرينه قووولموش شانلي ايرثيني اؤيرنمک ايستيقامتينده جيدي نتيجه لر الده ائتمکده دير. اساسن 20-جي عصردن پوپوليارلاشان «بشريتين ان مدني و شانلي ايرثيني هيند-آوروپاليلار ياراتديلار» شوعاري ايله اوتوروب-دوران «عاليملر» طرفيندن اورتايا آتيلميش پارادوکسلارلا زنگين بير افسانه، نهايت کي، بير چوخ تورکولوق ضياليلارين گؤسترديکلري چابا ايله گئرچک صيفتيني آچماغا باشلادي. اولژاس سولئيمانوو دئميشکن، «بوددا آياغينا تاپينان بودداليلار تک، هيند-آوروپا چکمه سي نين دار قليبينه سيتاييش ائدن چکمه چيلر بيزه حقيقتي سؤيله يه بيلمز، بو حقيقتي بيز اؤزوموز يادا سالمالي ييق». .........
يازان : عباس ائلچین جمعه 1390/10/23 | تورک دونياسيندا الیفبا و يازي ديلي بيرليگي
پروفسور يوسوف گديکلي
بوگون تورک دونياسي نين اؤنونده مؤوجود اولان فورصت لر، بير تورک بيرليگي نين ووجودا گلمه سي اوچون ان اويغون فورصت لردير. چونکو ایندیيه دک تورک دونياسي ميللي بيرليک حيسسي يؤنوندن هيچ بو قدر بير و برابر اولماميشدي. تاریخين بيزه سوندوغو بو فورصتی ان ياخشي شکيلده دگرلنديرمک زورونداييق، يوخسا يارين چوخ گئج اولابيلر.
بللی دیر کي بو بيرليک سياسي بير بيرليک (ان آزيندان ایندیلیک) اولماياجاقدير. آنجاق سياسي و ايداري بيرليک خاريجينده هر تورلو بيرليک اوچون ماددي و معنوي شرط لر حاضيردير. بو قونودا ايلک ياپيلماسي گرکن شئي، ایقتیصادی و کولتورل ايليشکيلري گليشديرمک و ايش بيرليگي ساحه لري ميدانا گتيرمکدير. ایقتیصادی و کولتورل ايش بيرليگي ايلري ده سياسي-عسکري ايش بيرليگينه دؤنوشه بيله جک، بلکي ده کونفئدراتيف بير سياسي ياپي اولوشاجاقدير. دونيانين چوخ کیچیلدیگی گونوموزده بو اولماياجاق بير ايش دئیيلدير. ایقتیصادی-کولتورل و حتا گلجکده آوروپا توپلولوغو تيپي ایقتیصادی-سياسي بيرليکلر موطلقن تشککول ائده جکدير. بوتون بونلارين اولابيلمه سي اؤنجه ليکله مثلن فيکير پيلانيندا اولغونلاشماسي ايله مومکوندور. چونکو فيکير (توري) اولمادان حرکت اولماز.
يازان : عباس ائلچین چهارشنبه 1390/10/14 | 
مينياتور صنعتيميزين تاريخيندن
مينياتور صنعتي خالقيميزين چوخ عصرليک اينجه صنعت تاريخي نين ماراقلي صحيفه لريندن بيريدير. اورتا عصر آذربايجان رسساملاري و خالق صنعتکارلاري بديعي مدنيتيميزين قديم ليگيني، چوخ جهتلي ليگيني و اؤزونه مخصوصلوغونو ثوبوت ائدن يوزلرله معمارليق، تصوير و دئکوراتيو صنعت اثري ياراديب.
مينياتور صنعتي طبيعتي اعتيباريله بير کيتاب ايللوستراسيياسي کيمي کلاسسيک شرق پوئزيياسي نين بيلاواسيطه تاثيري آلتيندا تشککول تاپيب. هله 13. عصرين اوللرينده مينياتور رسسام عبدول مؤمين محمد ال-خويين " ورقا و گولشا " اثرينه (اليازماسينا) مينياتورلر چکيب. حاضيردا ايستانبولدا، توپقاپي موزه سينده ساخلانيلان بو اثرلرين اوسلوبو، بديعي صنعتکارليق خوصوصيتلري مينياتورلرين ايلکين اولماديغيني، موعين بير عنعنه يه اساسلانديغيني و مينياتور صنعتي نين داها اول مؤوجود اولدوغونو گؤستريب. " ورقا و گولشا " يا چکيلن مينياتورلر يالنيز آذربايجاندا دئييل، ياخين و اورتا شرقده بو صنعتين ان قديم نومونه لريندن ساييلير.
يازان : عباس ائلچین جمعه 1390/10/02 | 
روس چاريني و ايران شاهيني حئيران ائدن صنعتکار
موسيقي مدنيتي تاريخيميزده اؤزونه مخصوص ايز قويان صنعتکارلاردان بيري ده مشهور خاننده بولبولجان (عبدولباقي کربلايي علي اوغلو زولالوو) اولوب. بو ايل آنادان اولماسي نين 170 ايلي تامام اولان صنعتکار قاراباغين، موسيقيميزين بئشيگي ساييلان شوشانين يئتيرمه سي ايدي، 1841-جي ايلده بورادا آنادان اولموشدو.
يازان : عباس ائلچین پنجشنبه 1390/09/24 | یوخو...
یازان : عباس ائلچین
".... سن هارالاردايدين ؟ سني گؤيده آختاريرديم يئرده تاپديم " دئييب بيلگيني سيخدي. كيشي قيشقيريب يوخودان داشلاندي. گونش آچيشقادان ايچري بويلانميشدي. قان تر ايچينده ايدي. آياغا قالخدي. اورگي كؤكسونو سؤكوب چيخاجاقدي سانكي. يئنه بو قورخونج يوخو ايله آييليردي. " بو بير اوياري مي ؟ بو تئزليكده اؤله جگم مي؟ " دئییندی كيشي- " يوخ! يوخ ! اؤلمك ايسته ميرم، هله چوخ گنجم. اؤلومون اليندن بير يئرلره قاچمالي يام . نئجه اولورسا اولسون اؤلومسوزلوگو تاپمالي يام....".
يازان : عباس ائلچین دوشنبه 1390/08/02 |
بیر گون ائشیدرسینیز آلی دا کؤچدو
حاق آشيغي
حاقي و عدالتي تبليغ ائدن عورفان صاحیبي، صوفی شاعير آشيق آلي نين ياراديجيليغي ايله آشيق شئعیري نين يئني عؤمرو، يئني دؤورو باشلاندي.
1801-جي ايلده گؤيچه ماحالي نين قيزيل ونگ کندينده يوخسول بير عاييلهده دونيايا گلن آشيق آلي 19. عصر گؤيچه آشيق موحيطي نين ان اونلو صنعتکارلاريندان بيري اولدو.
جامالين شؤوقوندن ديليم اولدو تنگ،
چايدا باليق اولار، دريادا نهنگ،
ماحاليم گؤيچه دي، کنديم قيزيل ونگ،
آشيق آلي بيردير، بيره-بير گرک.
يازان : عباس ائلچین شنبه 1390/07/09 | میرزه ماذون قاشقایی
یازان : اوختای قاسیملی
بوتون دونیا اوزرینده یاشایان اینسانلار طبیعت دن ایلهام آلاراق اونون گوزللیک لرینی باشقا بیر طرزیله یئر اوزونده اویغولامیشلار.بونا اساس یئر اوزونده هنر،صنعت،تمدن و اجتماع سیستملری اینسانین بو اویرندیک لریندن دولایی دوزلمیشدیر.
اینسانین گتیردیی بیر هنر ساییلان و هنرلرین ان اینجه سی اولان،شعر هنریدیر.بو صنعت اینسان قروپلاری آراسیندا یایقین اولان بویوک بیر هنر ساییلر.
تورک میللتینین ده باشقا اینسانی توپلوملار کیمی بو نعمت دن پای آلدیقلارینی گوروروک.بو هنر تورک طایفالارینین آراسیندا داها اینجه و داها زنگین بیر یئره صاحیبدیر.بو زنگینلیک تورکون چئشیدلی اویماقلاریندا و چئشیدلی دانیشما لهجه لرینده داها دا چوخدور........
يازان : عباس ائلچین چهارشنبه 1390/06/30 | 
بؤیوک تورک عالیمی،میرزا اولوغ بیک
میرزا اولوغ بیک 1394نجو ایل،22مارس دا آذربایجانین سلطانیه شهرینده ، آنادان اولدو.امیر تیمورون اوغلان نوه لریندن دیر..آتاسی 4یاشیندان بری تربیه سینه خیدمت ائله دی.اولوغ بیکه شاعیر محمد صالح ین باباسی امیرشاه ملیک مربی لیک ائتدی.امیر تیمور سویملی نواده سینی سفرلرده و یوروشلرده اوزویله بیرگه آپاراردی .
يازان : عباس ائلچین چهارشنبه 1390/06/23 | خوجا احمديسوي توركوستاندان دوغان بير تورك گونشي
احمد يسوي نين اوجا يارادانين امرلرينه بوتون وارليغي ايله باغلي اولماسي، هر شئييني بو يولدا فدا ائتمه سي يوز مينلرله اينسانين قلبينده ايمان نورونون يانماسينا سبب اولدو
اونون حاقيندا عصرلردير يازيرلار و هله چوخ يازاجاقلار. او، ايسلام گونشي نين اوجسوز-بوجاقسيز تورکوستان چؤللري اوزرينده دوغماغا باشلاديغي ايلک دؤورلردن ديني تبليغ وظيفه سيني حياتا کئچيرمه يه باشلادي و بؤلگه اهاليسي نين ايسلامي قبول ائتمه سينده عوضسيز خيدمتلر گؤستردي. او، اوجا يارادان طرفيندن اينسانلارين خيلاصي اوچون نازيل اولماغا باشلايان و کايناتين سون پئيغمبري محمد (س.ه.و.) طرفيندن تبليغ ائديلن قوراني-کريمين خيدمتينده بوتون وارليغي ايله دوردو. احمد يسوي نين اوجا يارادانين امرلرينه بوتون وارليغي ايله باغلي اولماسي، هر شئييني بو يولدا فدا ائتمه سي يوز مينلرله اينسانين قلبينده ايمان نورونون يانماسينا سبب اولدو. نتيجه ده تورکوستان چؤللرينده کؤچري حيات سورن تورکلر 300 ايل اول عربيستان ياريماداسيندا ياشانميش عصري-سعادت دؤورونون (رسولوللاهين ياشاديغي و ايسلام دينيني تبليغ ائتديگي مرحله ) بير بنزريني بو جوغرافييادا ياشاماغا باشلاديلار. .....
يازان : عباس ائلچین شنبه 1390/06/12 |
باتی و دوغو تورکلری نین آراسیندا اولان كؤرپولر
یازان:اوختای قاسیملی
اینسان دونیا اوزرینه چیخیشیندا اؤزونو يالقيز حيس ائديردي.او، سونرالار اؤز سس و بدنی نین حرکتلري ایله دیگر اینسانلارلا ایلیشکی قورماغین فرقینه واریر.بو ایلیشکی اؤنجه چوخ ساده اولوب زامان سورجينده گئنیشله نیر.بو گئنیش ایلیشگی اينسان توپلولوقلاريني بيچيملنديرير.
اینسان توپلولولاري دیل اساسیندا ایلیشگیلره كئچه رك بؤیوک توپلولوقلار و داها سونرا حکومت سیستم لرینی قورورلار.اینسانین تاریخینه باخدیغیمیز زامان ،دیل ین هر شئی دن چوخ ایلیشگي یه اساس اولماغینی گؤروروک.اینسانلار بیربیرلریله ايلگي نين گوجلنديرمه سينه گؤره اوخوللاري ياراديب دیللرینی یازما و اؤیرنمه يه باشلايیرلار.اوخوللاردا یازیلی کیتابلار اورتایا چیخیر . بو کیتابلار اؤز دؤنمیندن باشقا،گله جك عصيرلرله ده ايليشكي قورماغی باجاریر............
يازان : عباس ائلچین جمعه 1390/05/28 | 
مخدومقولو - توركمنين روحو، قلبي و دؤيونن اورگي
اونون قدر توركمنيستاندا سئويلن و دريندن حؤرمت بسله نيلن ايکينجي بير حاق عاشيقي تاپماق مومکون دئييل. آنادولو تورکو اوچون يونوس امره، آذربايجانلي اوچون ايسه بؤيوک فوضولي نه دئمکديرسه، تورکمن اوچون ده مخدومقولو اودور. ماياسي حاقدان يوغورولوب، حاق عاشيقي کيمي دونيايا گليب، اوجا آللاها گئدن يولو توتاراق اونون درگاهينا اوز توتوب، بونونلا دا نينکي تورکمنلرين، هم ده بوتون تورک دونياسي نين ابدي سئوگي و محبتيني قازانيب، اونلارين قلبينده ابدي لشيب، اؤزو بويدا هميشه ياشار حاق نغمکارينا چئوريليب. مخدومقولونون شئعيرلري بير سئوگي، ايلاهي عشق نغمه سيدير، حاقا گئدن يولون قاپيسيني گؤسترن بير نوردور. بو ايلاهي نورون ايشيغيدير توركمني ياشادان و اونو ابدي بير گله جگه آپاران. مخدومقولو طبيعتي، خاراکتئري، شئعيرلرينده کي ايلاهي بير عشقين ترننومو ايله تورک دونياسي نين حاق عاشيقي يونوس امره ني خاطيرلادير. او سانکي اوستوندن عصرلر اؤتندن سونرا حاق عاشيقي يونوس امره نين يولونو داوام ائتديرير و قوجاغيني گئنيش آچاراق، بير واختلار توركمنيستاندان آنادولويا کؤچ ائده رک بورادا دونياني قارشيسيندا ديز چؤکدورن و قوس قوجا عوثمانلي ايمپئريياسيني قوران قان اجدادلاريني، او جومله دن توركمنين آنادولودا حاق سسي، حاق نغمکاري اولان يونوس امره ني اونلارين عزيز اؤولادلاري کيمي اؤز باغرينا باسير. باخ بوندادير مخدومقولونون بؤيوکلوگو و داهي ليگي.
يازان : عباس ائلچین سه شنبه 1390/05/04 | .png)
بابور - تورک-هيند ايمپئراتورلوغونو قوران داهي شخصيت و تورکلرين هومئري
بو بؤيوک اينسان کيچيک بير اوردو ايله اؤزوندن اون دفعه بؤيوک اوردولاري مغلوب ائدن کوماندان، ان بؤيوک گوجون عاغيل اولدوغونو سؤيله رک، تاريخه دوشن مهارتلي سيياستچي، عوثمانلي نين روحونو، معنوياتيني، مدنيتيني اؤزونه مخصوص شکيلده اؤز ايمپئراتورلوغوندا ياشادان دؤولت خاديمي، شاعير، تاريخچي، علم آدامي و بير سؤزله، تورک-ايسلام تاريخي نين ان بؤيوک سيمالاريندان اولان قاضي ظهيرالدين محمد بابور ايدي.
يازان : عباس ائلچین یکشنبه 1390/04/12 | 
قديم تورک قبيله لري نين توتئملري
عاريف حوسئين اوو
تورکلر بير نئچه عصر بوندان اول آورآسييانين موختليف رئگيونلاريندا اؤزلري نين دؤولتلريني ياراتميشديلار. بو دؤولتلردن ان گوجلوسو ائراميزدان اول 3. عصرده ياراديلان و كورئيادان باشلاميش قاشقارييايا قدر اوزانان هون دؤولتي ساييليردي. اهاليسي اساسن تورک ديللي کؤچري قبيله لردن عيبارت ايدي. سونرالار بو دؤولتين بير قولوندان اويقور خاقانليغي يارانميشدي.
آلتي عصرده آلتايدان کريمادک اراضيني توتان تورک خاقانليغي مئيدانا گلميشدي. خاقانليغين گوجلو اوردوسو بيزانسلا و پارسلا موحاريبه ده قاليبيت الده ائتميشدي. ۶. عصرين سونوندا پارس بو خاقانليغا 40 مين قيزيل پول خراج وئرمه لي اولموشدو.
يازان : عباس ائلچین سه شنبه 1390/03/24 | 
ايلهان برك دن بير نئچه شئعير (۲۰۰۸-۱۹۱۸)
گوزل
اؤلوم داها قولايدير سئومکدن
آنلا کي اؤلومه بنزر سني سئومک
سؤزجوکلر کي آلاودير
و قارادير شاعيرلرين حياتلاري
هم نئجه شئعيرلرده نئجه عشقلرده
دارايار ساچيميزي اؤلوم.
عشق کي بعضاً سولغون بير بؤلگه دير
سوردورور درينليگيني
ندن " ان چوخ " آجي اوستاسي شاعيرلردير
ان چوخ داشيرلار چونکو عشقلري.
من کي ياتاغيمدان تديرگين بير سويام
بس بللي کي عشقه و اؤلومه چاليشيرام.
يازان : عباس ائلچین یکشنبه 1390/03/01 | 
امیر نظام الدین علیشیر نوایی
ياشامي
عليشير نوايي 9 فئورال 1441. ايلده هئراتدا دوغولوب.آتاسي غياث الدين كچکينه باهادير تئيمور اوغوللارينا منسوب آريستوکرات عاييله نين باشچيسي ايدي و خوراسان اميري ابوالقاسيم بابورون خيدمتينده دايانيردي.آنا طرفدن اولو باباسي ابو سيد چيچک ايسه ميرزه بايقارانين بيگلربيگي ايدي.اصل آدي نيظام الدين عليشير اولان نوايي ميرزه بايقارانين نوه سي حوسئين بايقارا ايله بيرليکده بؤيوموش و تحصيل آلميشدير.داها سونرا حوسئين بايقارا حؤکمدار اولونجا اوشاقليق يولداشي نواييني اؤزونه کؤمکچي ائتدي.اونا مؤهوردارليق،ديوان بيگ ليگي و سونرا دا " امير " روتبه سيني وئردي. اؤزو ده تانينميش عاليم و شاعيرلردن اولان حوسئين بايقارا و عليشير نوايي هئراتي دؤورون ان بؤيوک مدنيت مرکزينه چئويرديلر.نوايي ياخشي بير دؤولت خاديمي اولدوغونو دا گؤسترميشدير.يالنيز علم و صنعت آردينجا دئييل،اؤلکه نين مدني حالا گلمه سينده،تئكنيکي صنعتلرين اينکيشافيندا و ايقتيصادياتي نين گوجلنمه سينده ده بؤيوک خيدمتلري اولموشدور.زامانين بسته کار و رسساملاريني ان چوخ تشويق و حيمايه ائدنلردن بيري اودور. آنجاق اونون اساس بؤيوک خيدمتي " تورکچولوک " و " تورک ديلچي ليگي " ساحه سينده اولموشدور و بو باخيمدان ميثيل سيزدير.............
يازان : عباس ائلچین جمعه 1390/02/16 | 
قازاخ تورکلری نین میللی شاعیری : آبای کونانبای اوغلو
آباي (ايبراهيم) کونانباي اوغلو (1907-1845) - قازاخ شاعيري، يازيچيسي، ايجتيماعي خاديم، موعاصير قازاخ يازيلي ادبياتي نين بانيسي، معاريفچي ليبئرال ايسلامين اساسيندا قازاخ مدنيتي نين روس و آوروپا مدنيتلري ايله ياخينلاشماسي طرفداري.
آباي.کونانباي اوغلو ياراديجيليغي قازاخ فولکلورو، پوئزيياسييلا سيخ باغليدير. آباي كونانباي اوغلو قازاخ پوئزيياسيني يئني فورمالارلا (موسددس، موثلث، مثنوي) زنگينلشديرميش، اونا يئني ايجتيماعي مضمون گتيرميشدير. تميز، صاف محبتي ترننوم ائتميش، ايلين فصيللرينه حصر اولونان شئعيرلري ايله قازاخ پوئزيياسي نين گؤزل نومونه لريني ياراتميشدير. (1)
................
يازان : عباس ائلچین سه شنبه 1390/01/30 | 
تورک ميتولوژيسينده ۹ رقمي
• تورک ميتولوژيسينده دونياني يارادان قاراخان، دونيانين تام مرکزينه دوققوز داللي چام آغاجي تيکميشدي
• آلتايلارا گؤره اينسانين ايسکئلئتينده؛ باش، بئل، ديز، توپوق، آياق بيله يي، اوموز، ديرسک، آووچ و ال بيله يي اولماق اوزره دوققوز ائک واردير
• شامانلارين داوولوندا تانري اولگنين قيزي نين دوققوز و بير آنلاتيشدا دا اوچ رسمي واردير
يازان : عباس ائلچین یکشنبه 1390/01/14 | 
نووروزون گيزلي قاتلاري
بير ميلتين خيلاص داستاني، يوخسا بشرين باهار بايرامي؟
يومورتاني گؤيچک گوللو بويارديق،
چاققيشديريب سينانلارين سويارديق،
اويناماقدان بيرجه مگر دويارديق،
علي منه ياشيل آشيق وئرردي،
ايرضا منه نووروزگولو درردي.
شال ايسته ديم، من ده ائوده آغلاديم،
بير شال آليب تئز بئليمه باغلاديم،
قولامگيله قاچديم شالي ساللاديم
فاطما خالا منه جوراب باغلادي،
خان ننه مي يادا ساليب آغلادي…
محمد حوسئين شهريار
من بو مؤوضويا هر هانسي علمي پروبلئمين حلي زاماني تطبیق ائديلن اوصوللارلا ياناشماغين طرفدارييام. چونکي نووروزدا حقيقتن، سيرري ايندييه قدر آچيلمايان قاتلار
اوستونلوک تشکيل ائدير و همين قاتلار آچيلماديقجا بشريتين بو قديم بايرامي حاقيندا يانليش فيکيرلر داوام ائده جک.
نووروز باره ده يازماق خئيلي آسان مسله دير - طبيعي کي، اگر يالنيز باهارين گليشييله اويانان طبيعتدن، اينسانلارين مين ايللر اول بو اويانيشي بايرام ائله مگيندن، ايل آخير چرشنبه لردن، شکربورادان، پاخلاوادان، قوغالدان، قوز-فينديق و تونقالدان يازساق. نووروز عنعنه لرييله باغلي ائله دوغما ديليميزده ده خئيلي ماتئريال اولدوغونو نظره آلساق، نيتيميزين بو اولماديغي آيدينلاشار. بيز بو يازيدا " نووروزون گيزلي قاتلاري " نا وارماق اوچون آل-الوان بايراميميزلا باغلي بير نئچه اؤنملي مقامي پروبلئم اولاراق اؤيرنمه يه جهد ائده جه ييک. نووروزا يالنيز نووروز اولاراق تکجه بيزيم، حتّی بوتون تورک دونياسي نين دئييل، عومومن باهار بايرامي کيمي ياناشيب بشريتين موختليف خالقلاري طرفيندن قوتلانماسيني نظره آلاراق آشاغيداکي مسله لره آيدينليق گتيرمه يه چاليشاجاغيق:
1. نووروزون (ياخود باهار بايرامينين) موختليف خالقلارين ميفينده و اساطيرينده ياشايان تاريخي؛
2. نووروزون (ياخود باهار بايرامينين) موختليف دينلرده، طريقتلرده ياشايان تاريخي و يوزومو؛
3. بو گونکو فورمادا و مضموندا قئيد اولونان نووروزون فورمالاشما پروسئسي، بايرامين کونکرئت افسانه يه، حاديثه يه، شخصيته باغليليغي، ياخود طبيعي تشککولون نتيجه سي کيمي اورتايا چيخماسي؛
4. نووروزون آيري-آيري ائلئمئنتلري نين گيزلي ماهيتي (تونقالين، يئمکلرين، عادتلرين)؛
5. تورکييه جومهوريتينده نووروزون رسمي بايرام کيمي قئيد اولونماماسي نين تاريخي سببلري.
يازان : عباس ائلچین پنجشنبه 1389/12/26 | 
آذربايجانين قانلي تاريخينده " مارت قيرغيني " جينايتي خالقيميزا قارشي تؤره ديلن " صولح و اينسانليق علئيهينه اولان " جينايتلرين ان تهلوکه لي " سويقيريم " جينايتيدير.
يازان : عباس ائلچین یکشنبه 1389/12/15 | 
