قازاقیستاندا بیر آلتین آدام داها تاپیلدی                                   

   داها دوغرو ايفاده ايله، بير آلتين قادين، آلتين پرنسئس تاپیلدی. بيليندیگی کیمی سون زامانلاردا قازاقيستاندا آلتين آدام تاپیلدیغی خبرلرینه تئز-تئز راست گلیریک. بو آلتين آداملار م.اؤ. دؤورلره ويا م.س. ايلک عصرلرده حؤکم سورموش ساکا و هون تورکلرينه عاییددیر. چوخ ساييدا آلتين گئییملرله گؤمولموش بئله آلتين آداملارين تاپیلماسي، او دؤنمده تورکلرين آتالاري‌نين مورفه بير حیات ياشاديقلاري‌نين دليلي ساييلمالي‌دير.  

  بيليندیگی کیمی، ايلک آلتين آدام 1970دا ائسیک کورقاندا تاپیلمیشدی. سون ایللرده قازاقيستاندا آپاریلان آرکولوژيک قازينتی چاليشمالاريندا بئش-آلتي آلتين آدام داها تاپیلدیغی بيلينير. آلتين گئییملري ايله گؤمولن بو اينسانلارين حؤکمدار عاييله‌سينه منسوپ پرنس ويا قاغانلار اولدوغو ايفاده ائدیلیر. فقط ايلک دفعه بير آلتين پرنسئسين چیخدیغي بوگونکو (31 ماييس 2013) اگمن قازاقيستان قزئته‌سي‌نين خبرینده يئر آلير. قزئته خبرینه گؤره، آلتين پرنسئس قازاقيستانين دوغو قازاقيستان ايالتينده اورژار ايلچه‌سي ياخينلاريندا تاس‌کسکن-باکتي داش يولو بويوندا لاي‌بولاک و ژانا تيلئک کندلری‌نين آراسيندا قالان بير بؤلگه‌ده تاپیلدی.  ائسیک کورقاندا تاپیلان آلتين آدام دا اولدوغو کیمی، آلتين آدامين باشليغي و اوستونده‌کي  گئییمی سون درجه قورونموش بير حالدا‌دير. گئییملرين هامیسي آلتين ايشله‌مه‌لي‌دير. پرنسئسين قولاقلارينداکي آلتين سیرغا‌سي، باشينداکي آلتين باشليغي، قوچ بوينوزو موتيف ايشلمه‌لرينه باخيليرسا، بو گونوموزدن 2500 ايل اؤنجه ياشاميش اولمالي‌دير. اؤیرنجيلرين قازينتی چاليشمالارينا دانيشمانليق ائدن سئمئي پداگوژي انستيتوسو مودیری پروفسور. دوکتور. آمانتاي ايسااولي بو قونودا اگمن قازاقيستان قزئته‌سي موخبیری بئريک‌هان تايژيگيته وئردیگی بيلگيده  " تاپیلان آلتين آدام م.اؤ. V.-III  يوز ایللرده بورونج دؤورونه، حتا هون-سارمات دؤنملرينه قدر آپاریلا بیلیر "  دئدي.

  يارما شکلينده قازيلان مزارين چئوره‌سي و اوستو گئنيشليگي 10-15 سانتيمتره قدر واراجاق بير بيچيمده داشلارلا قاپاتيلميشدير. جنازه، باتي ايستيقامتينه دوغرو ياتيريلماقلا بيرليکده، اوزو قوزئی‌يه دوغرو دؤندوروله‌رک دفن ائديلميش. جنازه‌نين آياق طرفلرینده قويون سوموکلري ايله سراميک و آغاجدان دوزلمیش قاپ-قاجاقلار، باش طرفینده ايسه اوووج ايچي قدر يووارلاق داشلار تاپیلدی. قازینتی چاليشمالارينا قاتيلان تئمير سماگولوو بو داشلارين  " قوربانليق داشلاري "  اولابيله‌جگينه ايشارت ائتدی. سماگولوو جنازه دفن ائديليرکن بو داشلارين اوستونه ياغ قنديللري قونموش اولماسي‌نين مومکون اولدوغونو سؤيله‌دي. آيريجا مزارين قوزئی دوغو طرفینده‌کي چپري‌نين ديبينده ايکينجي مزارين يئر آلدیغی گؤرولدو. مزارداکي شخصین باشي و قولو کسيلميشدي. بيليم آداملاري‌نين يوروملارينا گؤره، بو شخصین پرنسئسين کؤله‌سي، بلکه‌ده نديمه‌سي ايدي. ساکا قاغاني نين قيزي اولماسي بؤيوک ائحتيمال اولان بو آلتين آدامي اينجله‌ين بيليم آداملاري اونا  " اورژار پرنسئسي "  اولاراق آد قويدولار. پروفسور. دوکتور. آمانتاي ايسااولي قازاق بيليم و کولتورونه بويوک بير يئني‌ليک گتيرن بو چوخ دگرلي تاپینتی‌نین تارباگاتايين گونئی‌ینده بير سياسي مرکزين اولدوغونو اورتايا قويماقدا اولدوغونا دیققتی چکدي. دوغو قازاقيستاندا تاريخي و کولتور آچيسيندان چوخ زنگين ميراثلارين ياتديغينا گئچن ایل بو بؤلگه‌يه بير چاليشما زيارتي گئرچکلشديرن قازاقيستان کولتور و خبرلشمه باخاني موختار کول-موحاممد دیققتی چکميشدي. قزئته موخبیری باخانين گئچن ایل  " بو بؤلگه سينير بؤلگه سي اولدوغو اوچون چوخ آراشديريلمادي. اينشاللاه بو بؤلگه‌ده بيزي بؤيوک کولتورل خزینه‌لر گوزله‌مکده‌دير "  شکلينده کي  قونوشماسيني خاطیرلاتدی. قزئته موخبیری بئريک‌هان تايژيگيت يازيسيني بو سؤزلرله بیتیریر:  " موژده قازاق ائلي!   " اورژار پرنسئسي "  اولاراق آدلاندیریلان بو کولتور خزینه‌سي اسکي آتالاريميزين سيرلرله دولو حياتلاريني بوتون دونيايا تانيداجاقدير. "

 بئريک‌هان تايژيگيت اگمن قازاقيستان قزئته‌سي‌نين 31 ماييس 2013 گونکو خبریندن شکیل‌لرله کؤچورن: عبدالوهاپ کارا

کؤچورن: عباس ائلچین         

يازان : عباس ائلچین پنجشنبه ۱۳۹۲/۰۴/۰۶ |