2021  نوبل ادبیات اؤدولونو قازانان: عبدالرزاق قورنه

عبدالرزاق  قورنه (1948، زنگیبار سولطان‌لیغی) - اینگیلیس دیلینده یازان تانزانیالی یازیچی . اینگیلیس‌ده یاشاییر. 2021.جی ایلده ادبیات اوزره نوبل اؤدولو قازانیب.   

Booker و Whitbread اؤدول‌لری طرفیندن قیسا سیاهیا آلینان "Paradise"  ( "جنّت" ) (1994)،  "Desertion"  ("فراری") (2005) و لوس آنجلس تایمز بووک پرایزکیتاب اؤدولو اوچون قیسا سیاهیا آلینمیش "By the sea"  ( " دنیز کناریندا "  " (2001) رومان‌لاری نین مؤلیفی‌دیر.


آچار سؤزلر: ادبیات, نوبل ادبیات اؤدولو, دونیا ادبیاتی
آردينی اوخويون | ardını oxuyun
يازان : عباس ائلچین جمعه ۱۴۰۰/۰۷/۱۶ |

 آلدادیجی اوخشارلیق

مارک تواین

 چئویرن:عولوي بونيادزاده 

       بير نئچه ايل اول قاتارلا نيويورک اشتاتينداکي سالامانکا واغزالينا گلميشديم. اورادان باشقا بير قاتارلا اوزاق صفره گئتمه‌لي‌ايديم. پلاتفورمادا چوخلو آدام واردي و هاميسي تاماميله دولو اولان همين قاتارا مينمه‌يه جهد ائديرديلر. کاسساداکي گنجدن منه بير بيلئت وئرمه‌سيني خواهيش ائتديم، او ايسه  " يوخدور " ، - دئيه جاواب وئردي. اورادان آرالانديم و قارشيدان گلن بير يئرلي مأموردان او قاتاردا بير بيلئت الده ائتمه‌یيمه کؤمک گؤسترمه‌سيني خواهيش ائتديکده او، منيم سؤزومو کسه‌رک غضبله دئدي:  " مومکون دئييل، هر کونج-بوجاغي دولودور، بير ده مني ناراحات ائتمه " . او، آرخاسيني منه طرف چئويريب چيخيب گئتدي. من اؤزومو ائله تحقير اولونموش حساب ائتديم کي، يول يولداشيما دئديم:  " منيم کيم اولدوغومو بيلسه ايديلر بونلار… " . لاکين يولداشيم درحال سؤزومو کسدي:  " جفنگيات دانيشما، وضعيتله باريشمالی‌ييق " ، - دئدي،  " اگر اونلار سنين کيم اولدوغونو بيلسه‌ايديلر، تاماميله دولو بير قاتاردا بيلئت تاپماغا سنه نئجه کؤمک ائدرديلر؟ " . 


آردينی اوخويون | ardını oxuyun
يازان : عباس ائلچین شنبه ۱۳۹۲/۱۱/۱۹ |

دونیانی سؤز ایداره ائدیر

موختار قول‌محمد (قازاخیستان)

قازاخ رئنئسانسي

          قازاخ مدنيتي و ادبياتي‌‌نين «قيزيل عصري» و يا قازاخ رئنئسانسي ييرمينجی عصره تصادوف ائدير. من گؤي‌‌تورکلرين داشلار اوزرينده حک ائتديگي پوئمالار، کازتوقان/Kaztuqan/ و دوسپامبئتين/Dospambet/ شوجاعت دولو اثرلري، ماخامبئتين//Maxambet آلوو ساچان شئعیرلري و دولاتين/Dulat/جيلالانميش داستانلاريندان بري اوزون يول کئچن «آباي‌آقه‌دَرکي/Abayaqədərki» گؤزل ادبيات نومونه‌‌لري‌‌نين اهميتيني کيچيلتمک نيتيندن چوخ اوزاغام. آما آللاه طرفيندن سئچيلميش رئنئسانس شخصيتي اولماق يالنيز آبايا قيسمت اولدو. آباي اونا قدر ياراديلانلاردان بهره‌له‌نه‌رک قازاخ معنوياتيني گؤرونمه‌‌‌ميش يوکسکليگه قالديردي. 

      .........


آردينی اوخويون | ardını oxuyun
يازان : عباس ائلچین یکشنبه ۱۳۹۲/۰۹/۲۴ |

 ۲۰.نجي يوزايلين ان بؤيوك يازاري: جيمز جويس

 جيمز جويس (۱۸۸۲ - ۱۹۴۱) ايرلندلي  يازار. گتيرديگي آنلاتيم يئنيليکلري ايله ۲۰. يوز ايل ادبيياتيني دريندن ائتکيله ميشدير. 

      جيمز جويس ، ۱۸۸۲ايلينده  دوبلين ده دوغولدو. ژوزيت اوخوللاريندا ائييتيم گؤردو؛ دوبلين ده کي  اونيورسيتي كالئجده فلسفه و مودئرن ديللر اوخودو. ۱۹۰۰ده، هنوز اونيورسيته اؤيرنجيسي ايکن ايبسن -ين اويونو اوزرينه قلمه آلديغي اوزونجا يازي Fortnightly Review  درگيسينده ياييملاندي. 

      او سيرالار، داها سونرا Chamber Music (اوتاق موزيكي) آدلي کيتابدا توپلاناجاق اولان لئريک شئعيرلريني يازماغا باشلادي. 1902ده دوبليندن آيريليب پاريسه گئتدي؛ آما ائرته سي ايل اؤلوم دؤشگينده کي  آناسيني زيارت  ائتمك اوچون تکرار ايرلنده دؤندو. ۱۹۰۴دن سونرا نورا بارنئيكل( Nora Barnacle  )ايله ياشاماغا باشلادي. ۱۹۰۵دن ۱۹۱۵- ه قدر تريسته ده ياشاديلار. ۱۹۰۶ يازيندا روما گئدن جويس تخمينن دوققوز آي بويونجا بير بانکدا چاليشدي. رومدان سيخيلينجا ۱۹۰۷ قيشيندا تکرار تريسته يه دؤندو. تريسته ده Berlitz School دا اينگيليزجه اؤيرتمني اولدو . دوبلين لي لر، ۱۹۱۴ ايلينده اينگيليسده ياييملاندي. جويس، ۱۹۱۵ده تک اويونو اولان سورگونلري يازدي. صنعتچي نين بير گنج آدام اولاراق پورتره سي آدلي اوتوبييوگرافيک روماني ۱۹۱۶ايلينده ياييملاندي. عيني ايل جويس و عاييله سي زوريخه داشيندي. 

      بؤيوک بير يوخسوللوق ايچينده ياشاديقلاري زوريخده ان بؤيوک اثري اولان اوليس(Ulysses) اوزرينده چاليشدي و بو کيتاب  Little Review آدلي بير آمريکا درگيسينده ديزي حالينده ياييملانماغا باشلادي. ديزيلشديرمه ۱۹۱۸ده باشلادي، آنجاق کيتاب حاققيندا دعوا آچيلماسي ندنييله۱۹۲۰ده ديزييه آرا وئريلدي. اوليس کيتاب اولاراق ايلک کز ۱۹۲۲ده پاريسده باسيلدي. دوبلين ده گئچن۲۴ ساعاتي آنلاتان رومان هومئرين اوديسه سي اوزرينه قورولودور. بير چوخ يئني تئکنيكين قوللانيلديغي رومان يايينلانديغيندا بؤيوک يانکي اويانديرميشدير. 

جويس، عاييله سي ايکي بؤيوک ساواش آراسيندا پاريسده قالدي. بو دؤنمده سون روماني اولان فينيقئنلر اويانيشي(Finnegans Wake) اوزرينده چاليشدي. ۱۹۳۹دا فينيقئنلر اويانيشي باسيلدي. ۱۳اوجاق۱۹۴۱ده جيمز جويس اؤلدو. پورتره نين ايلک قارالاماسي استفئن هئرو يازارين اؤلوموندن سونرا، ۱۹۴۴ ايلينده باسيلدي. ايلک باسيمي بيرچوخ ديزگي يانليشي ايچرن  " اوليس " ين اصلينه اويغون حالده باسيلماسي ۱۹۸۴ ايلينده گئرچکلشدي.

     اثرلري: 

  ·         دوبلين لي لر  

  ·         سورگونلر  

  ·         Giacomo Joyce

  ·         صنعتچي نين مکتوبلاري  

  ·         اوتاق موزيكي (شئعيرلر)  

  ·         صنعتچي نين بير گنج آدام اولاراق پورتره سي  

  ·         اوليس  

  ·         فينيقئنلر اويانيشي 

 ** جيمز جويس-ون شئعيرلريندن اؤرنكلر**

 ائي يالنيز ايزله یيجيسي گؤي اوزونون، ائشيديرسنمي ؟

ائي يالنيز ايزله یيجيسي گؤي اوزونون، ائشيديرسنمي؟

هر شئيين ياتديغي بو ساعاتدا

گون دوغومونون سولغون قاپيلاري آچيلسين دئيه

ائروسا يالوارديقلاريني گئجه نين

و ايچ چکيشلريني حربلرين؟

ائي يالنيز، اويانيرسانمي هر شئي ياتارکن

ائشيتمک اوچون شيرين حربلرين تينيسيني

ائروسا خوش گلدين ماهنيسيني،

و گئجه کولگي نين ايلاهييله بيلديرديگيني

بيتمه سيني گئجه نين؟

ائي گيزلنميش حربلر، شيرين ايشيقلارين

گليب گئتديگي بو آندا

جنّتده کي يولو پاريلدايان ائروس اوچون سوردورون ماهني ني،

ياييلسين شيرين و اويوملو مئلودييالار

تورپاغا و بولودا.

 

دينله جانان، دينله

دينله جانان، دينله

سئوديگي نين سسيني؛

اينسان اوزولمه لي

دوستلوق بيتديگينده.

بيلمه لي کي اينسان

دوستلار گوونيلمز اولموش

و بوتون او سؤزلردن

گئرييه بير آز کول قالميش.

نه کي سارار بيري اونو

قاورايار ياواشجا

و ياتيرار اونو

آشان قوللاريندا.

تومبول آغ ممه لري

قاورايار اللري؛

آغريسي اولان

آوونچ تاپار موطلق.

 

 بوتون گون ياغدي ياغيش

بوتون گون ياغدي ياغيش

آه گل منه لادين آغاجلاري نين آراسيندان.

اينجه جيک اؤرتموش يارپاقلار

يولونو يادداشين.

يادداشين يولوندا دايانار

گئدريک سونرا

گل، سئويملي يار

اورگينه سسلنه بيله جگيم اورمانا.

شئعيرلري توركجه يه چئويرن‌:اسماعيل آكسوي

کؤچورن : ع.ائلچين

يازان : عباس ائلچین شنبه ۱۳۸۹/۱۱/۰۹ |

قورشون ياغمورونون آلتيندا يازيلان دونيانين ان تانيميش ساواش شئعری

كونستانتين ميخاييلويچ سيمينوف

 گؤزله مني سئوگيليم    

 گؤزله مني، دؤنجه جه يه م  من.

چوخ چوخ، بيخمادان گؤزله!

ساري ياغمورلارين

حوزنو باسينجا،    

  قار سيخيب قوورورکن،   

  قيزغين سيجاقلاردا... گؤزله.  

  باشقالاري دونن دن اونوتولموشکن،    

 گؤزله مه ديكلري  زامان گؤزله.     

  اوزاق يئرلردن مکتوبلار کسيلينجه    

  گؤزله مني.  

  بيرليکده گؤزله ينلرين گؤزله مکدن  

  اوسانديغينا باخما، گؤزله.  

  گؤزله مني، دؤنه جه يم   

  اونوتماق زاماني گلديگيني  

  ازبره بيلنلري  

خئييرله  آنما!  

  وارسين اوغلوم، آنام  

  حياتدا اولماديغيما اينانسين،  

  دوستلاريم گؤزله مکدن اوسانسين،  

  اوجاق باشيندا توپلانيب  

  آجي شرابلا  

  ياد ائتسينلر مني.  

  سن گؤزله، اونلارلا بيرليکده  

  ايچمکده عجله ائتمه. 

 گؤزله مني؛ دؤنه جه يم،  

  بوتون اؤلوملري چاتلاتماق اوچون  

  دؤنه جه يم!  

  ‘شانسين وارميش...’ دئسينلر.  

  گؤزله مه ديکلري اوچون،  

  مني گؤزله يه رك  

  دوشمان آتشيندن  

نئجه قورودوغونو آنلايامازلار.  

  ساغ قاليشيمين سيرريني يالنيز  

  سنله من بيله جه ييك ...  

  بوتون سير.. سنين  

  باشقالاري نين بيلمه ديگي كيمي گؤزله مه يي   بيلمنده. 

يازان : عباس ائلچین یکشنبه ۱۳۸۹/۰۶/۲۱ |

VLADİMİR  MAYAKOVSKI’DEN ŞİİRLER


آردينی اوخويون | ardını oxuyun
يازان : عباس ائلچین پنجشنبه ۱۳۸۹/۰۳/۲۷ |

 

جبران خليل جبران - (1883-1931) – لوبنان  يازيچيسي، فيلوسوفو، رسامي دير.  او، ييرمينجي يوزايلين دوغودا و باتيدا تانيميش  عرب يازاري دير.  يونئسكو  جبرانين 100 ايلليگي موناسيبتي ايله 1983-جو ايلي جبران ايلي اعلان ائتميشدي.  

  کيتابلار: 

عاصي  روحلار ، سئوگي مکتوبلاري ، بير داملا ياش و بير گولومسه ييش ، دلي ، ارميش ، دونيا تانريلاري ، ارميشين  باخجاسي، فيرتانالار ، وادي نين پريلري ، يالواج ، سؤزلر ، اؤزومله قونوشمالار ، قابيقلار و اؤزلر ، اينسان اوغلو عيسي  ، گؤزلرين فلسفه سي ، گاوور خليل و دلي ، گزگين ، کؤنول سيررلاري ، قوم و کؤپوک  

   اوشاقلاريميز 

       اوشاقلارينيز سيزين اوشاقلارينيز دئييل. 

  اونلار اؤز يولونو ايزله ين حياتين اوغوللاري و قيزلاري. 

       سيزين آراجيليغينيزلا گلديلر آما سيزدن گلمه ديلر 

  و سيزينله بيرليکده اولسالار دا سيزين دئييللر. 

      اونلارا سئوگينيزي وئربيليرسينيز، دوشونجه لرينيزي يوخ. 

  چونکو اونلارين دا اؤز دوشونجه لري واردير. 

      بدنلريني توتابيليرسينيز، روحلاريني يوخ. 

  چونکو روحلار ياريندادير، 

  سيز ايسه ياريني دوشلرينيزده بئله گؤرنمزسينيز. 

      سيز اونلار کيمي اولماغا چاليشابيلرسينيز، 

  آما ساقين اونلاري اؤزونوز کيمي اولماغا زورلامايين. 

  چونکو حيات گئرييه دؤنمز، دوننله ده بير آليش وئريشي يوخدور. 

      سيز يايسينيز، اوشاقلارينيز ايسه سيزدن چوخ ايلريلره آتيلميش اوخلار. 

      اوخچو، سونسوزلوق يولونداکي هدفي گؤرور 

  و او اوجا گوجو ايله يايي اَيرک اوخون اوزاقلارا اوچماسيني ساغلار. 

      اوخچونون اؤنونده قيوانجلا اَييلين. 

      چونکو اوخچو، 

  اوزاقلارا گئدن اوخو سئوديگي قدر 

  باشيني ديمديک توتاراق قالان يايي دا سئور. 

   

   


آردينی اوخويون | ardını oxuyun
يازان : عباس ائلچین سه شنبه ۱۳۸۹/۰۲/۲۸ |