پاکیستان پولونون اوزرینده تورکیه بایراغی     

  پاکیستان ایسلام جومهوریتی‌نین هر زامان تورک دؤولت‌لری‌نین یانیندا اولدوغو هر کسه معلوم‌دور. بو صؤحبتده پاکیستان و تورکیه یاخینلیغی ایسه خوصوصیله قئید ائدیلمه‌لی‌دیر.     

  بو، ایستر دؤولت‌لر، ایسترسه ده، خالق‌لار آراسیندا سیخ علاقه  ایله موشاهیده اولونور. بو یازیدا  پاکیستان و تورکیه موناسیبت‌لرینی داها دا سیخلاشدیران تصادوفی بیر حادیثه  اطرافیندا صؤحبت گئدیر.  

 پاکیستانین پولو اوزه‌رینده حک اولونان تورکیه بایراغینین تاریخچه‌سی هارادان باشلاییر؟ 

  پاکیستانین میلّی پول واحیدی روپیه‌‌دیر. پاکیستان، 1988-جی ایلدن ایستیفاده ائتدیگی 1000 روپیه‌‌لیک اسکیناسیندا 2007-جی ایلده دییشیک‌لیک ائتمک قرارینا گلیب. ایلک واخت‌لار پولون اوزرینده پاکیستانین کئچمیش لیدری محمد علی جناح‌ین شکلی حک اولونموشدو. 2007-جی ایلده پاکیستان مرکزی بانکی پول اسکیناس‌لاری‌نین دیزاینیندا دَییشیک‌لیکله باغلی قرار وئریر.


آچار سؤزلر: تورکیه, پاکیستان, تاریخ, تورک دونیاسی
آردينی اوخويون | ardını oxuyun
يازان : عباس ائلچین جمعه ۱۳۹۹/۱۰/۰۵ |

ميصيرده نسيمي‌نين آذربايجان ديلينده اليازمالاري تاپيلدي 

   ميصيرين پايتاختي قاهيره‌ده يئرلشن "ميصير کيتابلار ائوي"-نده (دار الکتب المصریه) آذربايجانين داهي شاعيري و موتفکّيري عمادالدین نسيمي‌نين اليازمالاري اورتايا چيخاريليب. اليازمالار "وطنپرور" – آذربايجانين ميصيرده دياسپور تشکيلاتلاري بيرليگي‌نين صدري، تدقيقاتچي-عاليم سئيمور نصيرووون آپارديغي تدقيقاتلار اساسيندا آشکارلانيب.تدقيقاتچي اليازمالارين آذربايجان و فارس ديللرينده اولدوغونو بيلديريب. 
   آذربايجان ديلينده اولان اليازمانين اوزرينده "نسيمي کولّياتي" يازيليب. بو کولّيات شعر و نثردن عيبارتدير. شعرلرين چوخو روباعي و مثنوي اوسلوبوندادير. آراسيندا غزل ده وار. نثرلر ايسه، اساسن، اؤيود-نصيحت و پئيغمبرين اهلي بئيتيندن بحث ائدير. 
   س.نصيرووون ان چوخ ديقّتيني چکن ايسه عرب اليفباسي‌نين سيراسينا اويغون اولاراق، آيري-آيري سونو عئيني حرفله بيتن شعرلرين اولماسي اولوب. اليازما 254 ورقدن عيبارتدير. کيچيک حرفلرله نستعليق خطي ايله يازيليب. هيجري تاريخي ايله 941-جي ايلده (ميلادي 1535-جي ايل)، پير احمد ايسکندر اوغلو طرفيندن نسخ اولونوب. 
   فارس ديلينده اولان اليازما ايسه نيسبتاً کيچيک حجمده‌دير و ساده‌جه، شعرلردن عيبارتدير. آدي "ديوان نسيمي"دير. شيکسته خطينه بنزه‌ين نستعليق خطي ايله يازيليب. اليازمانين ورقلري‌نين ائني 11 س‌م، اوزونلوغو 16 س‌م و سايي 86-دير. 
   سئيمور نصيروو 20 ايلدن چوخدور کي، عرب منبعلرينده آذربايجانلا باغلي تدقيقاتلار آپارير، 250-دن چوخ آذربايجانلي عاليم حاقيندا ايکي کيتابين، ميصيرله آذربايجان آراسيندا تاريخي و مدني علاقه‌لرله باغلي اونلارلا مقاله‌نين مؤليفيدير. قئيد ائدک کي، "ميصير کيتابلار ائوي" (دار الکتب مصریه) دونيانين ان مشهور کيتابخانالاريندان بيريدير.

قایناق: simsar.az

ائلچین کتاب

يازان : عباس ائلچین پنجشنبه ۱۳۹۸/۰۳/۲۳ |

قازاقیستان جومهور‌ باشقانی نورسولطان نظربایئو، لاتین اساسلی قازاق الیفباسی‌نین یئنی نوسخه‌سینی تصدیقله‌دی

 


آردينی اوخويون | ardını oxuyun
يازان : عباس ائلچین سه شنبه ۱۳۹۶/۱۲/۰۱ |

اورتاق اونسییّت (تورکجه) دیلینه گئدیلن یولدا جیدّی آددیم

قازاخيستان پرئزيدئنتي نورسولطان نازاربايئو لاتين اليفباسي اساسيندا قازاخيستان اليفباسي‌نين واحيد استاندارتي‌نين حاضيرلانماسي ايله باغلي سرانجام ايمضالاييب.

      صنعت.آز-ين خبرينه گؤره، بو باره‌ده قازاخيستانين دؤولت قزئتي اولان "ائگئمئن قازاقستان" قزئتينده معلومات يئر آليب. سرانجاما اساسن 2017-جي ايلين سونونا کيمي لاتين قرافيکي ايله واحيد قازاخيستان اليفباسي استاندارتي حاضيرلانماليدير. ن. نازاربايئو يئني اليفبانين اؤيره‌نيلمه‌سي اوزره موتخصيصلرين 2018-جي ايلدن ايشه باشلاماسي و اورتا تحصيل موسسيسه‌لري اوچون يئني اليفبا ايله درسليکلرين حاضيرلانماسي باره‌ده ده گؤستريش وئريب. پرئزيدئنت بيلديريب کي، 2025-جي ايلده قازاخيستان آرتيق سندلشمه‌ني، دؤوري نشرلري و درسليکلري لاتين اليفباسي ايله چيخارماليدير.

 خاطيرلاداق کي، 1929-1940-جي ايللرده قازاخيستان لاتين اليفباسيندان ايستيفاده ائديب.


آچار سؤزلر: قازاق, قازاقستان, تورک دونیاسی, الیفبا
يازان : عباس ائلچین یکشنبه ۱۳۹۶/۰۱/۲۷ |

قازاقیستاندا بیر آلتین آدام داها تاپیلدی                                   

   داها دوغرو ايفاده ايله، بير آلتين قادين، آلتين پرنسئس تاپیلدی. بيليندیگی کیمی سون زامانلاردا قازاقيستاندا آلتين آدام تاپیلدیغی خبرلرینه تئز-تئز راست گلیریک. بو آلتين آداملار م.اؤ. دؤورلره ويا م.س. ايلک عصرلرده حؤکم سورموش ساکا و هون تورکلرينه عاییددیر. چوخ ساييدا آلتين گئییملرله گؤمولموش بئله آلتين آداملارين تاپیلماسي، او دؤنمده تورکلرين آتالاري‌نين مورفه بير حیات ياشاديقلاري‌نين دليلي ساييلمالي‌دير.  

   

..............................


آردينی اوخويون | ardını oxuyun
يازان : عباس ائلچین پنجشنبه ۱۳۹۲/۰۴/۰۶ |

تورك خبر : ۳۸۰۰ ياشينداكي گؤزل چيني قورخوتدو

دوغو توركيستاندا بولونان ، ۳ مين ۸۰۰  ايلليك موميا ‘لولان گوزه لي’، چين طرفيندن آمريكاداکي  سرگيدن چکيلدي .

  چين، آمريكادا کي  بير سرگيده گؤستريله جک اولان  " Beauty of Xiaohe"  (لولان گؤزه لي) اولاراق آدلانديريلان 3 بين 800 ايلليك موميايي بيردن سرگيدن چکه رک گؤندرمدي. 

  بئلجه آسيانين کؤکنلري حاققيندا بؤيوک سيرلار ساخلايان موميانين اوزرينده کي  تارتيشمالار تکرار گونده مه گلميش اولدو. چينين سرگيلنمه سيندن راحاتسيز اولدوغو موميا، نه بوي بوخون، نه ده چهره اعتيبارييلا آسيالي يا بنزه مير. چينليلرين ياپيسينا گؤره، داها اوزون بويلو، آغ بدنلي ، اوپ اوزون کيرپيکلي، اينجه دوز بورونلو اولان موميا داها چوخ آوروپالي بير گؤرونتو سرگي له يير. 

  دوغو توركيستانين  تاريم حؤوضه سينده  بولونان موميا هله ده آوروپالي مي، تورک مو دئيه تارتيشيليرکن، عصيرلاردير بو توپراقلاردا ياشايان چينليلري ده بو سؤيلنتيلر قيزديرير. اوسته ليک ‘لولان گوزه لي’نين ياخينيندا بولونان بيرچوخ موميا دا يئنه عيني اونون كيمي اؤزلليکلر داشييير. بير چوخ آرخولوق موميانين آوروپا کؤکنلي اولدوغونو سؤيلرکن، پکين يؤنتيمينه قارشي باغيمسيزليق موباريزه سي  آپاران اويغورلارا گؤره هم لولان گوزه لي، هم ده يانيدا بولونان موميالار تورک کؤکنلي. 

   

   

 

يازان : عباس ائلچین شنبه ۱۳۸۹/۱۱/۲۳ |