خلیل جبران خليل

جبران خليل جبران - (1883-1931) – لوبنان يازيچيسي، فيلوسوفو، رسامي دير. او، ييرمينجي يوزايلين دوغودا و باتيدا تانيميش عرب يازاري دير. يونئسكو جبرانين 100 ايلليگي موناسيبتي ايله 1983-جو ايلي جبران ايلي اعلان ائتميشدي.

کيتابلار:

عاصي روحلار ، سئوگي مکتوبلاري ، بير داملا ياش و بير گولومسه ييش ، دلي ، ارميش ، دونيا تانريلاري ، ارميشين باخجاسي، فيرتانالار ، وادي نين پريلري ، يالواج ، سؤزلر ، اؤزومله قونوشمالار ، قابيقلار و اؤزلر ، اينسان اوغلو عيسي ، گؤزلرين فلسفه سي ، گاوور خليل و دلي ، گزگين ، کؤنول سيررلاري ، قوم و کؤپوک

   اوشاقلاريميز

       اوشاقلارينيز سيزين اوشاقلارينيز دئييل.

اونلار اؤز يولونو ايزله ين حياتين اوغوللاري و قيزلاري.

       سيزين آراجيليغينيزلا گلديلر آما سيزدن گلمه ديلر

و سيزينله بيرليکده اولسالار دا سيزين دئييللر.

      اونلارا سئوگينيزي وئربيليرسينيز، دوشونجه لرينيزي يوخ.

چونکو اونلارين دا اؤز دوشونجه لري واردير.

      بدنلريني توتابيليرسينيز، روحلاريني يوخ.

چونکو روحلار ياريندادير،

سيز ايسه ياريني دوشلرينيزده بئله گؤرنمزسينيز.

      سيز اونلار کيمي اولماغا چاليشابيلرسينيز،

آما ساقين اونلاري اؤزونوز کيمي اولماغا زورلامايين.

چونکو حيات گئرييه دؤنمز، دوننله ده بير آليش وئريشي يوخدور.

      سيز يايسينيز، اوشاقلارينيز ايسه سيزدن چوخ ايلريلره آتيلميش اوخلار.

      اوخچو، سونسوزلوق يولونداکي هدفي گؤرور

و او اوجا گوجو ايله يايي اَيرک اوخون اوزاقلارا اوچماسيني ساغلار.

      اوخچونون اؤنونده قيوانجلا اَييلين.

      چونکو اوخچو،

اوزاقلارا گئدن اوخو سئوديگي قدر

باشيني ديمديک توتاراق قالان يايي دا سئور.





Cəbran Xəlil Cəbran – (1883-1931) – Livan yazıçısı, filosofu, rəssamıdır. O, XX yüzilin doğuda və batıda tanınmış ərəb yazarıdar . UNESCO Cəbranın 100 illiyi münasibəti ilə 1983-cü ili Cəbran ili elan etmişdi.
Kitabları:

Ası ruhlar , sevgi məktubları , bir damla yaş və bir gülümsəyiş , dəli , ərmiş , dünya tanrıları , ərmişin baxcası, fırtanalar , vadinin pəriləri , yalvac , sözlər , özümlə qonuşmalar , qabıqlar və özlər , insanoğlu isa , gözlərin fəlsəfəsi , gavur xəlil və dəli , gəzgin , könül sırları , qum və köpük

uşaqlarımız

uşaqlarınız sizin uşaqlarınız dəyil.

Onlar öz yolunu izləyən həyatın oğulları və qızları.

Sizin aracılığınızla gəldilər ama sizdən gəlmədilər

və sizinlə birlikdə olsalar da sizin deyillər.

Onlara sevginizi vərəbilirsiniz, düşüncələrinizi yox.

Çünkü onların da öz düşüncələri vardır.

Bədənlərini tutabilirsiniz, ruhlarını yox.

Çünkü ruhlar yarındadır,

siz isə yarını düşlərinizdə belə görənməzsiniz.

Siz onlar kimi olmağa çalışabilirsiniz,

ama saqın onları özünüz kimi olmağa zorlamayın.

Çünkü həyat geriyə dönməz, dünənlə də bir alışvərişi yoxdur.

Siz yaysınız, uşaqlarınız isə sizdən çox ilərilərə atılmış oxlar.

Oxçu, sonsuzluq yolundaki hədəfi görür

və o uca gücü ilə yayı əyərək oxun uzaqlara uçmasını sağlar.

Oxçunun önündə qıvancla əyilin.

Çünkü oxçu,

uzaqlara gedən oxu sevdiyi qədər

başını dimdik tutaraq qalan yayı da sevər.

يازان : عباس ائلچین سه شنبه ۱۳۸۹/۰۲/۲۸ |