قوْجانينگ آتي

بير زامانلاردا بير اوْبادا پۇقارا قوْجا ياشاپدير. اوْنۇنگ اۆيتگِشيک آق بدِوي بوْلانليغي اۆچين، حاتدا تۆچجار بايلارام اوْنگا گؤرۆبيلمزچيليک إديپديرلر. تأجيرلر بۇ آت اۆچين اينگ يوْقاري نيرخ کسيپديرلر، يؤنه قارري هميشه: "بۇ آت يؤنه بير آتام دأل-ده، منينگ اۆچين اوْل اينسان. إيسِم، آدام يالي سيزيان دوْستۇنگي هي-ده ساتيپ بوْرمي؟" ديييپ، جوْغاپ بريأن إکن.
بۇ قوْجا يوْقسۇل بوْلسا-دا، آتيني ساتماغا دؤزمأندير. گۆنلرده بير گۆن اوْل بدِوينينگ آت‌ياتاقدا يوْقدۇغيني بيليپ قاليپدير. اوْنۇنگ أهلي قوْنگشي-قوْلاملاري ييغنانيشيپ:
– سن آدامينگ بيدِرِگي إکنينگ. بيز ايرۇ-گيچ شۇ آتينگ گۆرۆم-جۆرۆم إديلجکديگيني بيليأرديک. اوْني ساتان بوْلسانگ، قوْوي بوْلاردي. بۇ بت‌باغت‌چيليغينگ اۇلۇسي – ديييپديرلر.
قوْجا: – بيله زاتلاري ساماهيللامانگ. دينگه بدِوينگ آت‌ياتاقدا يوْقدۇغيني ياتلادايينگ، وسسالام. بيزينگ بيليأن زاديميز-آ دينگه شوْل، قالانلاري دينگه چاقلاما. بيز مۇنۇنگ باغتمي بت‌باغت‌چيليقمي يا-دا حاييرمي-شرمي نأمه‌ديگيني بيلِمزوْق آخيرين، چۆنکي بۇ دينگه بوْلان واقا. ايندي نأمه بوْلجاغينام بيليأن يوْق – ديييپدير.
جِمِنده قوْجانينگ اۆستۆندن گۆلۆپ، بۇ يردن دارغاماق بيلن بوْلۇپدير. اوْلار قاررينينگ ايسلنديک مسلأ باشغاچا چِمِلِشيأنديگيني، عاقيلينينگ "دوْلي دألديگيني" اوْزالام بيليأن إکنلر. إمما اوْن بأش گۆن گچندن سوْنگرا، گيجأنينگ قيللا ياريندا بيردن آت جاناوار اؤز ياتاغينا دوْلانيپ گليپدير. اوْل اوْغۇرلانماندير-دا، إيسم ميدانا اؤز پيواغتينا چيقيپ گيدن إکن. گؤرۆپ اوْتۇرسالار اوْل اوْن ايکي ساني ياباني آتي هم ايزينا تيرکأپ گلن إکن.
آداملار ينه-ده توْپار تۇتۇپ، گليپديرلر:
– ياشۇلي، سنينگ آيديانينگ جاني بار يالي-لا. بۇ بت‌باغت‌چيليق دأل-ده، إيسم، باغت إکن – ديييپديرلر.
ياشۇلي شيله ديين: – سيز حتدينگيزي بيلينگ. سيز مانگا دينگه آتينگ دوْلانيپ گلنليگيني ياتلادايينگ. مۇنۇنگ باغتديغيني يا دألديگيني بوْلسا، بيليأن يوْق آخيرين. بۇ دينگه واقا. إيسم، سيز سؤزلِمينگ ايچيندأکي بيرجه سؤزي اوْقاپ، تۇتۇش کيتاپ بارادا پيکيرينگيزي آيديپ بيلمرسينگيز آخيرين؟!
بۇ ساپار آداملار سسيني چيقارمانديرلار، يؤنه اوْنۇنگ بيماملاديغي دوْغرۇسيندا اؤز يانلاريندان پيکير يؤره‌ديپديرلر. شيله‌ليکده، قوْجانينگ آت‌ياتاغيندا ينه-ده اوْن ايکي ساني عاجاپ آت پيدا بوْلۇپدير. اوْنۇنگ ياباني آتلارا باش اؤوره‌ديپ بيليأن يکه-تأک اوْغلي بار اکن. اوْل بير گۆن نأساغليق تاپيپ، يانيني يره بريأر. جمنده قوْجا قاراپ شيله ديين:
– سنگ آيديان زاتلارينگ اۇغرۇندا بار يالي-لا. بۇ بير بت‌باغت‌چيليق إکن. ايندي سنينگ يکه-تأک اوْغلۇنگ هم يارانوْق، سنم ايندي قوْجالدينگ، اوْل يکه-تأک ديره‌گينگدي. ايندي سنينگ ياغدايينگ اوْزالکينگدانام پسه قاچسا گرک – ديييپديرلر.
قوْجا شيله ديين:
– سيز اؤز اوْي-پيکيرلرينگيزه و چاقلامالارينگيزا مۆبتلا اينسانلار. سيز قاتي آنگري‌باشيندان تۇتيارسينگيز. سيز دينگه اوْغلۇمينگ ساغليغيني ييتيرِنديگيني ياتلاديپ قوْيايينگ. دۇرمۇش واقالارينگ اساسيندا قۇرالان، اوْلارينگ باريني بيربادا گؤرمک اينسانا بريلمأندير.
ينه-ده بيرنأچه واغتدان کسه‌کي بير يۇرت بيلن دارتغينلي ياغداي عمله گليپ، اوْبانينگ أهلي ياشلاري اوْنگا سۆرۆليأر. دينگه قوْجانينگ اوْغلي ياراوسيزليغي سبأپلي قالمالي بوْليار. اوْلار قاررينينگ يانينا گليپ:
– ياشۇلي، سنگ آيديانينگ دوْغري إکن، آصيل گؤرۆپ اوْتۇرساق، بۇ باغت إکن. سنينگ اوْغلۇنگ يارانوْق، يؤنه اوْل يانينگدا. بيزينگ اوْغۇللاريميزينگ ايقبالي بوْلسا نأبللي – ديييپديرلر.
قارري ينه-ده شيله ديين:
– سيز أهلي زادي شوْل اؤزۆنگيزچه پيکير إديپ يؤرشۆنگيز. نأمه بوْلجاغيني بوْلسا، بيليأن يوْق. سيز اينگ قوْوۇسي اؤزۆنگيزينگ‌کينگ آلنيپ گيديلنديگيني، منينگ‌کينگم قالديريلانديغيني ياتلادايينگ. مۇنۇنگ باغتديغيني يا-دا بت‌باغتچيليقديغيني، حاييرديغيني يا-دا شرديگيني دينگه خۇداي بيليأر. اؤزۆنگيزچه يۆزلِي پيکير يؤرتمأنگ، يوْغسام دۆنيأنينگ سيرلارينا دۆشۆنمرسينگيز. بوْليان واقالارا يۆزلِي سرتسنگيز، غاپيل بوْلارسينگيز، مسلأ عاقيللي-باشلي، مانتيغا لاييق چملشمک بوْلسا، اوْنغايلي نتيجأ گلمأگه مۆمکينچيليک بريأر. سيز هاچان-دا، هايسيدير بير مسله بارادا پيکيرينگيزي يۆزلِي بيان إدنينگيزده، رۇحي اؤسۆشينگيزي قوْوشاديارسينگيز. حاقيقاتدا، دۇرمۇش سيياحاتي هيچ هاچان تۆکنمِيأر. بير يوْل تاماملانسا، بيله‌کيسي باشلانيار؛ بير قاپي ياپيلسا، بيله‌کيسي آچيليار. سيز بير بلنتليگه چيقيارسينگيز، يؤنه اوْندان آنگيردا ينه-ده بير بلنتليک پيدا بوْليار.
حالق آراسيندا بۇ بارادا يؤرگۆنلي گۆررۆنگ بار: "داغلارينگ اۆستۆندن داغلار گؤرۆنيأر". دۇرمۇش بۇ سوْنگسۇز سيياحاتدير.

کؤچورن: عباس ائلچین

[A:آ،ا- Ä: أ-E:إ، ه - U: ۇ- O: وْ- Ü: ۆ- Ö: ؤ- I:ی- Y:ی]

 Qaynaq: zamanturkmenistan.com

يازان : عباس ائلچین چهارشنبه ۱۳۹۷/۰۷/۱۱ |