ماکو خانليغي

ماکو خانليغي —آذربايجان اراضيسينده خانليق. (18. عصرين 40-جي ايللري - 1922-جي ايل). مرکزي ماکو شهري. خوي، قاراداغ، ناخچيوان، ايروان خانليقلاري و عثمانلي ايمپراتورلوغو ايله حودودلانيردي.

عومومي معلومات

ماکو ايالتي صفوي حؤکمرانليغي دؤورونده چوخورسعد بيگلربيگليگينه داخيل اولان ياريم‌موستقيل سولطانليقدان عيبارت ايدي. اونو بايات طايفاسيندان اولان نسلي حاکيملر ايداره ائديردي. ماکو خانليغي اؤز اطرافيندا 30 کندي بيرلشديريردي.

خانليغين بانيسي بايات طايفاسيندان احمد سلطان ايدي. او، خانليغين ايداره‌سي و مؤحکملنديريلمه‌سي اوچون بعضي تدبيرلر گؤردو. واختيله نادر شاهين خوراسانداکي سرکرده‌لريندن بيري ايدي. نادر شاهين اؤلدورولمه‌سيندن سونرا اونون آروادلاريندان بيري ايله ائوله‌نير. اونون و اوغلو حسین خانين حاقيندا معلومات آزدير. خانليغين ايچينده بؤلگه‌وی اولاراق آيريملي طايفاسي‌نين 30 کنددن عيبارت اولان اؤز آواجيق خانليغي دا وار ايدي. خانين اؤلوموندن سونرا تورپاقلار اوغلانلاري حسن و حسین خان آراسيندا بؤلوندو. حسن خان ايروانلي محمد خان قاجاردان آسيليليغا دوشدو. حسین خانين محمودي و اباقيه ماحاللاري عثمانليلار طرفيندن توتولدو، لاکين بو ماحاللاري تئزليکله گئري آلا بيلدي. علي خانين دؤورونده خانليق مؤحکملنمگه نايل اولدو. حسین خانين اوغلو علي خان هامي‌نين فيبته ائتديگي بير خان اولاراق تانينيردي. علي خان داها سونرا ايسلام دينيندن چيخاراق بابين تعليميني قبول ائتميشدي. بو خط حاجي اسماييل خانين زامانيندا دا داوام ائتديريلدي. تئيمور پاشا خان 1877-1878-جي ايللرده خانليغي گوجلنديردي. او، روس گئنئرالي آلخازووون ناخچيوان دسته‌لريله بيرگه تبريز اوچون تهلوکه يارادان شيخ عبیداله‌ين دسته‌سيني مغلوبيته اوغراتدي. اونا يئرلي خالق "آذربايجان پادشاهي" لقبي وئرميشدي. خانليغين سون نوماينده‌سي مرتضی‌قولو خان ايسه 1922-جي ايلده دئوريلدي.

اهالي

خانليغين اهاليسي آذربايجان تورکلريیندن عيبارت ايدي. اهالي‌نين 900 عاييله‌سي اهل‌حقّ دينينه اعتيقاد ائديردي. خالق آراسيندا سوننيلر قاراقويونلو، شيعه‌لر ايسه آغقويونلو آدلانيردي.

قایناق

• آذربايجان تاريخي. يئددي جيلدده. 3. جيلد (13-18 عصرلر). باکي."عئلم". 2007. 592 ص.

کؤچورن:عباس ائلچین

يازان : عباس ائلچین دوشنبه ۱۳۹۸/۰۱/۲۶ |