قاراداغ خانليغي

قاراداغ خانليغي – 1747-جي ايلده  آذربايجاندا یارانمیش فئودال دؤولت اولموشدور. مرکزي اهر شهري ايدي. غربدن خوي خانليغي، شرقدن لنکران خانليغي، جنوبدان تبريز و اردبيل خانليقلاري ايله حودودلانیردی. 

تاريخي
قاراداغلي طايفاسي صفويلرين حاکيميته گلمه‌سينده فعاليت گؤسترديگيندن 1. شاه اسمایيلدان باشلاياراق قاراداغ ويلايتي‌نين ايداره‌سينه نايل اولا بيلميشدي. 16. عصردن 19. عصرين اوّللرينه‌دک قاراداغ ويلايتي‌نين ايداره‌سي ايرثي اولاراق موعين نسيل اوزره اولموشدو. اونلار هم ده روحاني صلاحيتلرينه ماليک ايدي. 18. يوزيلين اوّللرينده صفوي سولاله‌سي ضعيفله‌ديگيندن حاکيم کاظم خان مرکزي حاکيميته تابئع‌چيليکدن چيخميش، شاه سلطان حسین‌ين ائحتيرامينا لاييق گؤرولن روس آ.وولينسکيني اهره قويماميشدي. نادر مرکزي حاکيميته تابئع اولمايان خانين گؤزلريني چيخارتديرميشدي. نادرين اؤلوموندن سونرا قاراداغ خانليغي موستقيل‌لشميش، کاظم خان قاراداغ خاني اولموشدو. 
کاظم خان 18.يوزايلين اورتالاريندا قاراباغ، گنجه و ناخچيوان خانلاري ايله بيرليکده شکي خانليغينا قارشي ايتّيفاقا قوشولموشدو. بو ايتّيفاق مقصدينه نايل اولا بيلمه‌ميشدي. قاراداغ خاني قاراباغ خانليغينا، کريم خان زندده (1761)، سونرا ايسه آغا محمد قاجارا (1791) تابئع اولموشدو. 
قاراداغ خاني عباسقولو خان19. يوزايلين اوّللرينده پ.سيسيانووا مکتوب يازاراق روسیه‌یه صاديق قالاجاغيني بيلديرميش، لاکين 1804-1813-جو ايللر روس-ايران موحاريبه‌سينده روسيه‌یه قارشي چيخميشدي. 
خانلاري
کاظم خان (محمدکاظم خان) (1747-1763) 
مصطفی‌قولو خان (1763-1782، 1786-1791) 
اسماييل خان (1782-1783، 1791-1797) 
نجفقولو خان (1783-1786) 
عباسقولو خان (1797-1813) 
محمدقولو خان (1813-1828) 


قایناقلار

کؤچورن: عباس ائلچین


آچار سؤزلر: آذربایجان خانلیقلاری
يازان : عباس ائلچین دوشنبه ۱۳۹۸/۰۱/۲۶ |