خالخال خانلیغی

خالخال خانليغي — مرکزي خالخال شهري اولماقلا آذربايجان خانليقلاريندان بيريدير.

تاريخي

خانليغين ياراديجيسي اميرگونه خان‌دير. اميرگونه خان اميرلي-آوشار نادر شاه قيرخلي-آوشارين اؤلوموندن سونرا گيلا‌نین واليسي اولموشدو. سونرا طاروما باشچيليق ائتميشدي. اميرگونه خان آوشار فتحعلی خان آراشلي-آوشارلا بيرلشيب کريم خان زنده قارشي چيخدي. سونرا کريم خا‌نین طرفيني توتوب فتحعلی خاني ساتدي. کريم خان اونو شيرازا "فخري قوناقليغا" آپاريب عالي شورايا داخيل ائتدي.

کريم خا‌نین وفاتيندان سونرا اميرگونه خان تاروما قاييديب اؤزونون خانليغيني ائلان ائتميشدي. ايراني بيرلشديرمگه باشلايان آغامحمد خاني تانيماق ايسته‌ميردي. ايلک نؤوبه‌ده اورمیه حاکيمي محمدقولو خان قاسيملي-آوشارا موراجيعت ائتدي. محمدقولو خان اونا اعتينا ائتمه‌دي.

اميرگونه خان 1782-جي ايلده باشقا خانلارلا بيرلشيب مازاندارانا هوجوم ائتدي. ساواشدا يارالانيب قاچدي.

گئنئرال-پوروچيک آلئکساندر سوُووْروْو 28 اييول 1780-جي ايلده هشترخاندان ق. آ. پوْتيوْمکينه معروضه‌سينده يازيردي: 

"نظرعلي خان رشتي آلاندان سونرا هدايت خان  جا‌نیني قورتاراراق گميده رشتين 10 ساعاتليغيندا مازانداران طرفده سفيدرود چايي‌نین منصبينه گليب-چيخميشدير. او. رشتين 150 وئرستليگينده تبريز طرفده ياشايان خالخاللي اميرگونه خانا کؤمک ائتمگي خواهيش ائتميشدي و اونون طلب ائتديگي هر شئيي يئرينه يئتيرمگه بويون اولموشدور. اميرگونه خان، گويا، اونون خواهيشي ايله قوشونلا رشت ياخينليغينا گله‌رک همين شاهسئونلي نظرعلي خاني اورادان قوووب-چيخارميش و همين شهري ايداره ائتمک اوچون اوّلکي کيمي هدايت خانا وئرميشدير. نظرعلي خان ايسه خالخال خا‌نینا موقاويمت گؤسترمک ايقتيداريندا اولماديغيني گؤروب، اورادان چيخارکن شهرده‌کي بوتون تيکيليلري و باغلاري يانديرميشدير. لاکين بو معلوماتين تصديقيني گؤزله‌مک لازيمدير".

— گئنئرال-پوروچيک آلئکساندر سوُووْروْو

حاکيملري

اميرگونه خان اميرلي-آوشار

منبع

• انور چينگيز اوغلو، خالخال خانليغي، باکي: موترجيم، 2016، 128 ص.
• Нестеров А. Г., Иванова Ю. П. Халхальское ханство: Историко-географический очерк // Научный диалог. — 2017. — № 5. — С. 405—409.
• چينگيز اوغلو، آيدين آوشار، آوشارلار، باکي، "شوشا" ،2008، ص. 279.

کؤچورن:عباس ائلچین

يازان : عباس ائلچین پنجشنبه ۱۳۹۸/۰۱/۲۹ |