ان قيسا و اوخوجولاري داها چوخ تاثيرلنديرن 18 حئکايه 

     چوخ ماراقلي رومانلار و حئکايه‌لر مؤليفي اولان دونيا شؤهرتلي يازيچي ائرنئست هئمينقوئي بير دفعه  بئله بير موباحيثه  ائدير کي، او، بير نئچه سؤزدن عيبارت ائله بير حئکايه يازا بيلر کي، هر بير اوخوجونون قلبيني گؤينه‌در. 

  او، بير نئچه سؤزدن عيبارت:

 "  اوشاق چکمه‌لري ساتيلير. گئيينيلمه‌ميشدير " 

(  For sale: baby shoes, never worn")

 ترجومه دن آسيلي اولاراق، 1 سؤز آرتيق و يا اسکيک اولا بيلر. ان قيسا بير حئکايه يازماقلا، موباحيثه‌ني اودور. 

  او واختدان ايندييه‌دک دونيا شؤهرتلي يازيچي‌نين بو تجروبه‌سيندن بير چوخلاري يارارلانميش و اونون کيمي 6 سؤزدن عيبارت قلبلره توخونان قيسا حئکايه‌لر يازماغا جهد ائتميشلر. بو حئکايه‌لرين ان قيسا و اوخوجولاري داها چوخ تاثيرلنديرن 18-ايني سيزه تقديم ائديريک:  

  1. پاراشوت ساتيلير، هئچ واخت آچيلماييب، بير آز لکه‌سي وار. 

  2.  " سيز نؤمره‌ني سهو سالميسيز "  - تانيش سس جاواب وئرير. 

  3. سرنيشينلر، ايندي سيزينله دانيشان کاپيتان دئييل. 

  4. اوزومو قيرخماغي آنام منه اؤيره‌ديب. 

  5. من دوغما قلب گؤردوم - او ايسه مني گؤرمه‌دي... 

  6. منيم عکسيم اينديجه منه گؤز ووردو. 

  7. يادلار. دوستلار. ياخشي دوستلار. آشنالار. يادلار. 

  8. بو بيزيم قيزيل تويوموزدور، آما سوفره بير نفرليکدير. 

  9. بو گون من يئنيدن اؤزومو آناما تقديم ائله‌ديم. 

  10. سياح هله ده سيقنال وئريردي. يئردير - يوخ... 

  11. من ائوه قيزيل‌گول گتيرميشديم. آما آچارلاريم اويغون گلمه‌دي. 

  12. سينيق پنجره‌نين اوزرينده يازيلميشدي:  " يئني ائولننلر "  

  13. ياتاق اوتاغيميزدان ايکي نفرين سسي گلير. من قاپيني دؤيورم... 

  14. اؤزومو ياشا دولموش تصوور ائديرديم. ياشا دولدوم. تصووروم ايتدي. 

  15. من آشاغي آتيلديم. سونرا فيکريمي دَييشديم. 

  16. عسگر، بيز چکمه‌‌لري جوت ساتيريق... 

  17. او، آروادي‌نين قاتيلينه بوتولکا ايله سود وئريردي. 

  18. جراح خسته‌نین حياتيني خيلاص ائدير. خسته آللاهينا دوعا ائدير. 

کؤچورن: عباس ائلچین

يازان : عباس ائلچین یکشنبه ۱۳۹۴/۰۹/۲۲ |

بورا ايشه‌ين ائششکدير 

 مظفر ايزگو

        آه بير اليمه کئچه ده او، - بورا ايشه‌ين آدامي دئييرم، - ائله اورداجا بوغوب اؤلدوررم. بيزيم ديوارا نه اولدوسا ائله او واختدان سونرا اولدو. دؤزه بيلمه‌ينلر بورنو آمونياک ايگينه حساس اولدوغونا گؤره کوچه‌يه دؤنن کيمي بوراني  " کشف ائله‌ييرلر " . دوز ديوارين ديبينه ياخينلاشان کيمي بير ساغا باخيرلار، بير سولا باخيرلار، - عاييب اولماسين، - نه لازيمديرسا ائديرلر. هانسي بيري‌نين توتاسان، بير گون سحردن آخشاماجان گؤزله‌‌‌ديم. 38 آداملا ساواشديم، آغيزلاشديم. هله گؤر ساواشديغيم آداملاردان بيري نه دئدي: 

  - بلديييه لازيمي قدر توالئت تيکديرمير، بيز نئيله‌يک؟ 

  قيشقيرديم اوستونه: 

  - اوندا گل قوناق اوتاغيميزا دا ايشه، حئيوان اوغلو حئیوان. 

يازان : عباس ائلچین جمعه ۱۳۹۴/۰۹/۱۳ |

قاسپیرالی‌نين تورک دونياسيندا وئرديگي ديل و کولتور موباریزه‌سي 

پروفئسور دوکتور  مهمت ساراي

کؤچورن:عباس ائلچین 

       قاسپیرالی ايسمايل بيگ، يئتيشمه ایللرینده 1874  ده ايلک ايستانبولا گلميشدي. بير ایله قدر قالديغي ايستانبولدا ايسمايل بيگين ديقّتینی چکن ان اؤنملي مسله‌لردن بيري ده تورک ديلي اوزرينده گئدن موناقیشه‌لر ايدي.   تنظیماتلا باشلايان و 1860لي و 1870لي ایللرده عوثمانلي آيدينلاري آراسيندا اوزون دارتيشمالارا صحنه اولان ديل مسله‌سی قاسپیرالینی سون درجه ائتکیله‌میشدی. ايشده بو سيرالار تانيديغي  " شمس الدین سامي، احمد میدحت ، محمد امين و نجيب عاصیم بيگلر کیمی عوثمانلي آيدينلاري ايله دوستلوغونو داها دا گليشديرميش و عؤمرونون سونونا قدر ده دوام اائتديرميشدير. بالاخره بیر چوخ کيشي‌نين ده قاتيلاجاغي بو تورک آيدينلارينا گؤره، تورکلرين کولتور ساحه‌سینده اینکیشاف ائده‌بیلمه‌سی اوچون تورکجه‌‌نین میلّی ديل اولاراق موطلقن گليشديريلمه‌سي گره‌کیردی. 

  يوخاريدا ذيکر ائديلن فيکير آداملاري‌نين گؤروشلريني بير- بير آچيقلامادان اوّل، بورادا، ديل و ميلّييت‌چيليک مسله‌سی‌نين عوثمانلي تورکييه‌سينده نئجه گليشديگيني قيساجا ايضاح ائتمکده فايدا واردير: 

يازان : عباس ائلچین یکشنبه ۱۳۹۴/۰۹/۰۱ |