اوکراین‌لی‌لارین، ماجارلارین، تورکلرین عومومی اجدادی - قیپچاق‌لار

 کرم محمدلی‌

تاریخ اوزره فلسفه دوکتورو

  تورک خالق‌لاری تاریخینده شانلی و یا شانلی اولمایان ایزلر بوراخان طایفالاردان بیری قیپچاق‌لاردیر. قیپچاق‌لار حاضیرکی تورک خالق‌لاری‌نین اکثریتی‌نین، او جومله‌دن آذربایجان تورکلری‌نین تاریخینده سوی کؤکونده یاخیندان ایشتیراک ائتمیش تورک خالق‌لاریندان بیری‌دیر. قیپچاق فورماسیندا ایشلنن بو سؤز چین منبع‌لرینده  "‌کینچا‌"  شکلینده کئچیر. اوروپا منبع‌لرینده  "‌کوُمان‌" ،  "‌پوْلوْوِتس‌" ، عرب منبع‌لرینده ایسه  "‌کیفچاک‌"  و یا  "‌قیبچاق‌"  فورماسیندا ایشله‌نیر. بو سؤزون اتیمولوژی‌سینی هم اونلارین تامغاسی، هم ده خاریجی گؤرونوشو باخیمیندان ایضاح ائتمک اولار. اورتا عصرلرده خاریجی گؤرونوشه گؤره آیری-آیری خالق‌لارا آد وئریلمه‌سی چوخ گئنیش یاییلمیشدی. اونلاردان بیری ده قیپچاق‌لار ایدی. چین دیلینده  "‌کینچا‌"  گؤی گؤزلو، ساری ساچلی آدام دئمکدیر. حتّی چین میفولوژی‌سینده گؤی گؤزلو، ساری ساچلی آدام‌لار حاقیندا دانیشاندا اونلارین کینچا اولدوغو نظره چارپیر. اوروپا، ایسلاویان دیللرینده، یونان و لاتین منبع‌لرینده راست گلینن  "‌کوُمان" ،  "‌پوْلوْوِتس‌"  فورماسینا گلدیکده، کوُمان ساری‌شین، بیاض، آغ دریلی معنالارینی وئریر. 

يازان : عباس ائلچین چهارشنبه ۱۴۰۰/۱۲/۰۴ |

 هیتلئرین غیبطه ائتدیگی گئنئرال: انور پاشا

تاریخ - 1914-جو ایل 21 دئکابر. عثمانلی ایمپئریاسی‌نین قارص ایالتی، “آللاهو-اکبر” داغی. اینسانین ایلیگینی دوندوران شاختا...

 پاشانین داغ‌لاردا عکس-صدا وئرن آمیرانه سسی گلیر: “عسگرلر! هامینیزی گؤردوم، آیاغینیزدا چاریغینیزین، اینینیزده پالتارینیزین اولمادیغینی بیلیرم. لاکین قارشینیزداکی دوشمن سیزدن قورخور. یاخین زاماندا هوجوما کئچه‌رک قافقازلارا گیره جه ییک. اوردا سیز هر جور نانو-نعمته قوووشاجاقسینیز”.

 آز کئچمه میش 90 مین‌لیک اوردو قان دون‌دوران سویوقدا “اللهو اکبر” دئیه‌رک، قارلی داغین زیروه‌سینه دوغرو یول آلیر...

 عثمانلی تاریخینه “ساری قامیش” فاجعه‌سی کیمی یازیلا‌جاق بو اولای‌دان ایللر اؤته‌جک، 90 مین‌لیک اوردویا کومان‌دان‌لیق ائله‌ین تورک پاشاسی‌نین آدی تاریخده موختلیف جور آنیلا‌جاق. آنجاق اونون باره‌سینده اولان اصل گئرچک‌لر بو گون ده بللی دئییل. بللی اولان اودور کی، بیر چوخ سیاسی و عسگری خطا‌لارا ایمضا آتا‌راق عثمانلییا بؤیوک خیدمت‌لر ائدن بو پاشانین حیاتیندا تک موذاکیره‌سیز مؤوضو اونون وطن‌سئورلیگی ایدی. بو آدام انور پاشا ایدی. تک عثمانلی دئییل، هم ده دونیا تاریخی‌نین گئدیشینه تأثیر گؤسترمیش انور پاشا...

يازان : عباس ائلچین چهارشنبه ۱۳۹۰/۱۲/۱۰ |