بودانين خوشبخت و هارمونييالي ياشاماق اوچون 10 درسي  

    گونئل ائيوازلي‌‌نین ترجومه‌سینده

  1. آزدان باشلاماق. بو چوخ نورمالدير. کوزه بئله بيردن-بيره دولمور. هر شئي داملا-داملا چوخالير. اگر صبرلي‌سينيزسه، هر شئي سيزده چوخ اوغورلو آليناجاق. يادينيزدا ساخلايين، اوغور اونو گؤزله‌يه‌نه گلير. زحمت چکنلري تاپير.   

  2. دوشونجه. دوشونجه‌ميز، هر شئييميزدير. اگر اينسان بئيني، نئقاتيوله، منفي ايشلر و حرکتلر حاقيندا دوشونمکله يوکله‌نيبسه، اونو حياتي بويو منفي‌ليکلر موشاييعت ائده‌جک. قارشيميزا چيخانلار، ياشانتيلاريميزين، دوشونجه‌لريميزين محصولودور. دوغرو ياشاماق اوچون، دوغرو دوشونمه‌لي‌سن! 

  3. باغيشلاماق. نه قدر حيدّتلي اولسانيز بئله، باغيشلاماغي باجارين. کيني، نيفرتي داخيلينيزده بوغون. بو، سيزي باشقالاريندان فرقلنديرر، ايچينيزه راحاتليق گتيرر. 

  4. ائتديکلرينيزين سببي وار.  اينکيشاف ائتمک اوچون حرکت ائتمه‌لي‌سينيز. شؤهرت، اوغور، گؤزل حيات طرزي، اينکيشاف، زحمت چکنلرين يانينا گلير. 

  5. آنلاماغا چاليشين. بيز، حقيقت اوغروندا موباريزه آپارماغا ياديرغاميشيق. بيرينجي آنلاماغا چاليشين، سونرا باشقاسي‌نين سيزي آنلاماسينا چاليشين. اؤزونوزدن باشلايين. دينله‌مگي باجارين، نظره آلماغي باجارين.  

  6. اؤزونوزه غاليب گلين. اؤزونه غاليب گلمک اوچون، نفسينه، شوعورونا، دوشونجه‌لرينه غاليب گل. دوشونجه‌نيز سيزين الينيزده دير. اينکيشافينيزين، گله‌جکده گؤرمک ايسته‌ديکلرينيزين خريطه‌سيني بئينينيزده جيزين. دوشونجه‌لرينيز، سيزدن آسيلي اولماليدير.  " من اؤز دوشونجه لريمي ايداره ائده بيلرممي؟ "  سواليني وئره بيلرسينيز. جاواب بئله دير:  " سيز، بير سرچه‌نين باشينيز اوزه‌رينده اوچماسينا مانع اولا بيلمزسينيز، آما، باشينيز اوزرينده يووا قورماسینا مانع اولمانيز شوبهه‌سيزدير "  

  7. هارمونييادا ياشايين. هارمونييا داخيلينيزدن گلير. اونو کناردا آختارمايين. هارمونييا - يئني آلديغينيز آوتوموبيل دئييل، ائو دئييل. هارمونييا داخيلينيزده برقرار اولموش صولح و امين آمانليقدير.  

  8. خئييرخواه اولون. سشوکر ائدين. اطرافينيزدا اولان اينسانلارا صیدق اورکدن خوشبختليک آرزولاماغي باجارين. باشقاسي اوچون دوعا ائتمگي باجارين. باشقاسي اوچون سئوينمگي، اوغور ديله‌مگي باجارين. حيرص زاماني بئيني حيسّلر ايداره ائدير، همين آندا صبرلي اولوب، گوزگويه ياخينلاشين. او، غضبلي اينساني تانيييرسينيزمي؟ مگر او سيزسينيزمي؟ بس بوندان اؤنجه کي ، گؤزل، حليم اينسان هاني؟ موقاييسه ائدين. هانسي ياخشيدير؟ هر گون دوشونون - ياشاييرسينيز. سالامات‌سينيز.  

  بلکه ده، سيزدن فرقلي اولاراق بو صاباح، کيمسه اويانماييب، بلکه کيمسه سونونجو دفعه  ابدي ياتيب. آما، سيز، ساغ و سالامات‌سينيز.  

  تشککور ائتمگي، ميننتدارليق ائتمگي باجارين. گئنيش، مرحمتلي اورگينيز، سيزي اوجالاردان اوجا ائده‌‌‌جک. 

  9. امينليک حیسّي.   اگر اوغورسوزلوغا دوچار اولموشسونوزسا، سبب، نه ائتديگينيزي بيلمه‌مک دئييلدي، بونون سببي، اؤز بيلگيلرنيزه آرخايين اولماماق ايدي. کيمينسه ايستيقامتي، بيلگيلري‌نين امينليگي ايله دئييل، اؤزونوزه  گوون ايله حرکت ائدين. 

10. سياحت. حيات سياحتدير! اؤز خوشبخت‌ليگينيزي، نامعلوم بير زامانا پلانلاشديرمايين. قارشينيزا قويدوغونوز مقصد اوغروندا موباريزه آپارين. بو موباريزه ده غاليب گلين. گوجونوزه اينانين. من ضعيفم، باجارمارام دئمه‌یين. ياشاديغينيز حيات سياحتي‌نين، رنگارنگ، ماراقلي، سئوينج دولو، خوشبختليک دولو اولماسي سيزدن آسيليدير! 

Avanqard.net

کؤچورن: عباس ائلچین